[A:255]rang sba ba can la sogs slob ma mkhas grub bzang la mang ba byon no/ /gzhung gi rngog ston chos rdor ni/ gdung rus ldong gi sde tshan rngog bod rgyud pa'i slob brgyud/ rngog ban chen bya ba/ sngags rnying ma'i dge bshes chen po zhig gis ltas dang / gzhung gi ri bor 'khrungs/ rang gi yab dang / rje mar pa la dbang bshad sgrub mtha' dag thos/ rje mar pa la 'bul mo che lan gsum bgyis pa la sogs kyi zhabs tog che bar byas shing / thugs rab kyi bla ma'i thugs zin par byed/ gzhan yang / rwa rdo rje grags la sogs mkhas grub du ma bsten/ raM rtsa can dang / can drug gi mi la mthu chen la sogs pa'i slob ma mang du bskyangs/ bshad sgrub mthar phyin nas/ dgung lo drug cu rtsa brgyad la/ gdan sa thel nas sku dngos su mkha' spyod du gshegs so/ /de'i sras rngog mdo sde las stod pa spug ston ye shes rgyal mtshan gyis skye ba yin/ chung ba'i dus rje mar pa dang mjal/ chag lo sogs lo tsA ba brgyad bsten/ thos bsam mthar phyin/ yab kyi gdan sa mdzad/ bdag med lha mo bco lnga'i zhal gzigs/ nya mo gur du rje mar pa'i sras mo zhig la/ gral dpon zhus nas brgya 'bul byas/ mchims chen po dge bshes chen po phywa pa dang / mkhan po bsod nams rtse mo la sogs/ dbus gtsang gi dge bshes lnga brgya bos/ des zla ba phyed gnyis chos 'khor mdzad/ de'i bzang lan la/ sras mo des mar pa'i sku gdung phul/ ldum chung btab/ chos gzhis mang du btsugs/ dgung lo bdun cu rtsa bdun la gshegs so/ /de'i slob ma brtsegs dharma rwa dza gra ston/ 'thab bral lho nag la sogs mang du byon/ bla ma'i sras/ jo sras tshul khrims shes rab/ thogs med grags pa la