[A:259]chos skor tshan che ba thob/ phyag rdor sgrub pas mdze thon/ phyis bod du bla ma la zhus nas/ dbus su byon/ bye chung rtsad po'i mdze gsos/ mag pa mdzad/ pho brang skyegs ldan du/ lha lcam ldem bu'i dam tshig nyams nas bral/ gnyal la sogs par bzhugs/ de la slob ma/ nye gnas rin chen grags/ bur sgom nag po/ sum ston chos dar/ dge bshes khyung tshang ba la sogs pa mang du byon/ sngon mtsho lnga bre chung du/ rje mi la dang mjal ba'i bu mo dbul mo de/ ras chung ba la gtad nas bsgoms pas/ se mo dor lus ma spangs pa la/ mkha' spyod du gshegs pa'i grub thob ma zhig kyang byung ngo / /ras chung ba dgung lo gya gnyis pa la gshegs so/ /ras pa zhi ba 'od ni/ brag skye chur sgrub pa rtse gcig tu mdzad pas/ brag phug spyi bu brtol nas mkha' spyod la gshegs so/ /'bri sgom ras pa ni/ gang pa she'u dang / rngog lo/ lcal lo la sogs bla ma mang du bsten/ rje mi la rtsa ba'i bla mar gyur nas/ mi lo sum cur sgrub pa mdzad/ yi dam zhal gzigs dngos grub brnyes/ mal yer pa la sogs slob ma mang du byon gda'/ mnyam med dwags po lha rje ni/ mdo ting nge 'dzin rgyal po dang / snying rje pad dkar du/ sangs rgyas kyis 'di dge slong 'tsho byed du gyur nas/ bstan pa 'dzin pa la bkod cing / mthar rgyal ba dri ma med pa ces su sangs rgyas kyis lung bstan pa ste/ byang chub sems dpa' zla 'od gzhon nur gyur pa yin la/ de dang lhan gcig tu bstan pa 'dzin par khas blangs pas/ byang chub sems pa stong lnga brgya yang / 'dis 'khor da nga rgyud pa 'dzin pa rnams yin par/ mdo sde nyid las gsal bas/ rnam thar bsam gyis mi khyab mod kyi/ gdul bya'i snang ngor yang / rje mi la'i thugs sras kun gyi mchog tu mar pa dang / mi la gnyis