[A:260]ka'i lung bstan pa yin no/ /'khrungs yul ni gnyal rus snyi ba/ yab nyi ma lha rje'i/ sras gsum gyi bar pa/ mtshan snying po kun dga'/ lha rje mdzad cing / dgung lo bcu gnyis pa la/ dge bshes sha ba gling pa la rab tu byung / bsod nams rin chen du mtshan gsol/ mkhan po dang bya 'dul ba la 'dul ba lung skor zhus/ mar yul bsam gtan la gsang sngags gsan/ dbu ru byang du dge bshes snyug rum pa/ lcags ri gong kha ba byang chub dpal/ dge bshes bya yul ba rnams la/ bka' gdams zhus/ zhag bcu gsum tsam mi 'chor ba'i gnas pa bzang po byung / rtogs pa gong du 'phel/ sa bcu non pa'i rmi ltas byung / yab mes kyis brtsigs pa'i gser chung lha khang du bzhugs dus/ sprang po gsum las rje mi la'i snyan pa thos ma thag mos pa skyes/ byin brlabs zhugs pas yid phrogs nas/ la stod la byon pa sprang po zhig la lam sna bcol bas/ tshong dus nas khong 'gro ma nyan par/ khong rang gi byon/ mjal ma thag bla ma mnyes nas sa sna lan gyi mgur gsungs/ sngags kyi nyams zhus pas bzhad nas/ bye ma btsir bas mar khu gang la yong / /yungs dkar btsir na yong pa yin/ /thabs lam sgoms gsungs nas/ gdams pa rnams rim gyis gnang / bsgoms pas zhag bdun nas/ bde stong rang 'bar la song / rtags snang nyams myong khyad par can skyes/ ring por ma thogs par sprul sku/ longs sku dang mjal/ chos sku myur du mthong bar lung bstan/ byin gyis brlabs shing rgyal tshab tu dbang bskur nas/ lcags ri gong khar byon te se ba lung du/ bka' gdams pa'i gseb tu bzhugs pas/ thugs dam cung zhig 'grib/ yar byon/ mi la bsten pas/ dran pa sor chug zer ba yang 'dug 'ol kha nas sgam po zangs lung du