[A:267]dpal phag mo gru pa'i dpon rabs byon tshul bzhugs so/ /oM swa sti/ dpal phag mo gru pa'i dpon rabs ni/ dang po spyan snga chos rje'i dus na/ 'bri khung nas sgom pa shAka rin gyis spyi'i kha ta byed/ spyan snga ba'i nye gnas sgom brtson gyis rkang yangs dang / smad hor la ngo lta byas/ rting la mdo khams nas/ dpon rdo rje dpal bya ba'i mi gzhon cig byung / rus pa lha gzigs yin byas pas spyan snga ba'i drung dru bzhag sngon la gsol ja ba bcol/ rting du rgya yul la brdzangs pas/ phag khru khri skor du stag mgo blang / khri dpon yun ring du byas/ shing pho stag lo la sne gdong rdzong brtsigs/ de 'das nas/ de'i nu bo gzhon nu rgyal mtshan gyi dpon byas/ de 'das rting khong gi dbon skya yar 'brog pa/ byang gzhon gyis khri dpon byas/ skabs der sa 'bri 'khrug pa la| byang gzhon gyis/ sa skya pa gang gsungs byas/ dpon chen a glen gyis/ phag gru bsreg par byung ba la/ byang gzhon gyi zhus pas 'tsheng / byang gzhon shi nas/ gzhon nu rgyal mtshan gyi tsha bo/ gzhon nu yon tan gyis khri dpon byas/ hor rgyal bu thi mur bho kha yum sras bod du bzhugs pa'i zhabs tog dang / dmag gi phyag phyi cung ma 'grub/ phyi go ma chod kyang / nang du zhing pa ya gsum la sogs pa la gzan po byas pas/ rin po che gcung rgya bo ma mnyes pa ra/ rgyal po