[A:268]yum sras la zhus pas/ gzhon nu yon tan phab/ gong du zhu ba btang / de ma 'khor bar la rgyal po'i ma ma go cha/ sa skya ba'i chos khrims pa rin chen bkra shis/ rin po che'i nye gnas brtson 'grus dpal/ gzhon nu yon tan gyi dpon 'og ma/ grags pa 'od zer/ sngags hu la hu'i bskos pa'i yul bsrung ba/ go bo chu'i bu rdo rje/ yar klungs jo bo brag rin rnams 'dzoms kyin/ khri skor gyi bya ba bsgrubs/ de mtshams gong du bla ma ti shri grags 'od pa'i bdag mdzad nas/ rin po che'i gcung rgyal po la khri dpon gyi 'ja' sa bsgrubs nas/ bla dpon sbrags/ gzhon nu yon tan la rten sor/ 'phyongs rgyas smon mkhar byin/ gcung rgya bo grongs rting / rin po che grags pa rgyal mtshan pa'i gcen po/ rgyal mtshan dpal gyis gong du byon/ lha rje phag mo gru pas zhus nas/ lung gis rgyal mtshan dpal bskos/ de'i lag nas khong rang gi nu bo/ grags bzang sa skya pas zhus nas bskos de'i lag nas/ gzhon nu rgyal mtshan gyi bu rgyal mtshan skyabs kyi 'ja' sa blangs/ rin po che grags rgyal ba'i gcung po/ byang chub rgyal mtshan/ shing pho stag lo la bla ma bdag nyid chen po'i drung dru/ lo bcu bzhi lon pa yos lo la phyin nas/ phyag phyir bsdad dam gnyer byas/ bla ma'i gsungs nas/ khyod rin po che byed dam/ khri dpon byed gsungs nas/ rin po che byed lags zhus pas/ de mi yong bar 'dug khri dpon byed dgos pas/ g.yul rgyal dang / legs bshad la ltos gsungs/ thugs mkhyen mnga' bar 'dug de'i rjes bdag nyid chen pos sprad nas/ bla ma mnyam med pa la slob gnyer zhus/ brtag gnyis bslabs/ 'brug lo ston gzhug la/ khong gi bshad gsar gyi ja dang /