[A:278]pa thams cad ma lus par/ dbus snyung bzhes nas gnang / chos skyong dran bzhin nyan pa'i bka' bsgo mdzad/ byin gyis brlabs sku drin dran pa'i 'bul mo che thengs gsum phul/ bla ma skyer sgang du byon dus/ nyams bsdur mdzad pas/mnyes nas dbon ston/ pa la mdzo skyes zer ba'i skad thongs shig gsung zhing / sngar rgya gar gyi grub thob phal che ba las/ mkhas grub khyung po thugs dam bzang bar 'dug de las nga dge sbyor bzang bar 'dug gsung zhing yod/ nga las khyed nyams rtogs bzang bar 'dug go/ ngo mtshar che gsungs ngo / /grwa slob yon bdag ni/ rgya thang rgya'i rgyal po/ bla ma sog pa/ dkar chung btsad po/ rgyal tsha la sogs/ skya btsun mang po chos kyi tshim zhing / nad gdon las grol nas/ thugs rje chen po'i zhal mthong ba sha stag byung ngo / /chos rgyud 'di/ g.yor po stod pa zhig gis 'dzin cing / rdo rje 'chang gis lung bstan pa bzhin/ brgyud pa bdun thims nas/ chig rgyud kyi zab chos/ mkha' 'gro'i zhal gdams 'dis/ phyogs kun du khyab nas/ gdul bya snod ldan yang / mang du 'byung bar 'gyur ro/ /nga ni 'di nas mngon dgar 'gro bas/ gsol ba der thob cig gsungs pa la sogs lung bstan mang du gnang zhing / bstan pa dang 'gro ba mang po'i don rgya che la yun ring bar mdzad nas/ dgung lo don gsum bzhes pa/ston zla ra ba'i tshes bcu gsum la/ skyer sgang du bde bar gshegs so/ / yol bu ri gong gnyan ston sbas pa'i rnal 'byor ni/ 'khrungs yul yol bu'i mda'/ rus gnyan de nyid ni/ sku gzhon nu nas/ chos kho na'i gtam dang /spyod lam la brtson pa zhig byung ste/ dgung lo bcu gcig pa la gung po mkhar du/