[A:279]slob dpon ston yes la/ chos sgor zhugs/ bcu bdun pa la/ mkhan po byang sems pa la dge tshul zhus/ mtshan chos kyi shes rab tu btags/ nyi shu pa la mkhan po bzod pa'i drung du bsnyen par rdzogs nas/ g.yor slob dpon e pa sogs la/ 'dul ba bslabs/ slob gnyer thog cig byed dgos dgongs pa la/ mched grogs las stod 'khyams pos blo sgul nas/ sgom sgrub pa la mos te/ skyer sgang du byon/ dbon ston pas shangs pa'i chos skor dang / chig rgyud kyi gdams pa zab mo thams cad bum pa gang byo gnang / chos skyong la bka' bsgo dang / ri gong dgon pa 'debs pa/ skabs 'di tsam nas spyod pa'i tshul bzung /slob ma snod ldan bcu phrag cig yod pa de/ skye bo 'bum phrag cig las lhag go gsungs pa la sogs kyi lung bstan mdzad/ bla ma dang nam mjal dus/ thugs rje chen por rgyun par mthong / bla ma las stod pa mgon po chos sgo skyel la byung /rmi lam bzung nas/ yi dam dang zhing khams mang po mthong / khyad par grub chen brgyad cu la sogs/ DA ki ma mang po 'dzoms nas/ chos kyi bzang bdun mdzad par byon/ ye shes kyi bdud rtsi'i skal ba gsol/ lha klu bdud btsan mang po btul/ bla ma 'dis dus gsum gyi skye 'gag gnas gsum mkhyen na'ang / blo dman gyi blor mi shong bas/ log rtog gi rgyur song dogs bka' rgya bsdams pas na/ sbas pa'i rnal 'byor chen por grags zhing / sgrub pa'i rgyal mtshan btsugs nas/ 'gro ba'i don rgya chen po mdzad do/ /bde bar gshegs dus/ nga ni 'di nas shar phyogs me tog bkram pa'i zhing du/ sangs rgyas padmo'i dpal zhes par 'gyur bas/ gsol ba der thob cig gsungs so/ /