[A:282]chos rgyal 'phags pa'i shes bya rab gsal las/ snod bcud kyi chags tshul mdor bsdus pa bzhugs so/ / oM swa sti/ bsam 'phel bla ma kun mkhyen zas gtsang sras/ /smra ba'i seng ge 'jam dbyangs zhabs btud nas/ /de yi rnam 'phrul chos rgyal 'phags pa yis/ /mdo rgyud don bsdus shes bya'i gnas rnams kun/ /rab tu gsal byed bstan bcos brtsams pa las/ /mdor tsam bsdus pa 'di dag bdag gis bri/ /dang po rdul grangs 'gyur khyad brtsi ba ni/ bcang bzung gzhig tu med pa'i phra rab rdul/ /bdun 'gyur rdul phran lcags chu ri bong lug /glang rdul nyi zer sro ma shig nas rdul/ /de bzhin re re bzhin du bdun 'gyur te/ /nas bdun sor tshigs bcu gnyis mtho gang la/ /mtho do khru gang khru bzhi 'dom pa gang / /de dag lnga brgya rgyang grags de brgyad la/ /dpag tshad gcig tu brtsi ba rab gsal lugs/ /snod kyi chags tshul dang po stong pa la/ /phyogs bcu'i rlung g.yos dkyil 'khor rgya gram gyi/ /rngams su dpag tshad 'bum phrag bcu drug dang / /rgya khyon grangs med de yis brten pa'i steng / /chu yi dkyil 'khor zlum po mthug rngams la/ /chig 'bum rags chen thad kar sa ya gcig /gnyis 'bum gsum stong brgya phrag phyed dang lnga/ /de dag 'og gi rgya mtsho brgyad ldan chu/ /de bsrubs