[A:281]sangs rgyas zhing khams gang mos su/ rmi lam bzung nas phyin chog pa byung / gnod byed mang po rmi lam du btul/ chos skyong 'khor la sdig ma gsog zer ba'i kha mnan gang thub byas/ sman lung su snyung nas grongs la thug pa'i dus/ tsha drags brag ring gi btsan gyi/ bal yul nas sman blangs nas phul ba dang / thugs dam rtse gcig mdzad pas/ snyung ba las grol cing / sgrub rgyud kyi bstan pa dar bar mdzad do/ /bla ma 'di'i rjes la/ chig rgyud kyi bka' rgya khrol te/ khong gi slob ma chos rje shangs ston dang / mkhas btsun gzhon nu grub la sogs/mkhas grub mang du byon cing / slob ma'i mchog grub thob brgya rtsa brgyad grags pas/ chos rgyud nyin mo ltar phyogs kun du gsal la/ dar zhing rgyas par mdzad pa lags so/ /rgyud pa rin chen bdun ma 'di bris pas/ /dge tshogs rin chen phyogs bcu kun khyab ste/ dal 'byor rin chen thob pa'i mi rnams dang / 'gro kun rin chen brtson 'grus nyid gyur cig/ //