[A:284]phyir/ /rgya mtsho de yi mtha' skor dpag tshad ni/ /sa ya phrag gsum drug 'bum bdun brgya dang / /lnga bcu yod cing de yi phyi rol gyi/ khor yug lcags ri mtha' skor sa ya gsum/ drug 'bum nyis stong drug brgya nyer lnga yod/ /ri rab lho phyogs 'dzam gling shing rta'i dbyibs/ /sog kha'i yu ba chu ngos bstan pa la/ /dpag tshad phyed dang bzhi gzhan phyogs gsum la/ /stong phrag gnyis gnyis shar na rnga yab dang / /nub na rnga yab gzhan yod 'dzam gling dbus/ /ma ga dha nas byang du ri nag po/ /dgur rgyud gangs ri spos ngad de yi phyir/ /spos ri ngad lngan de gnyis bar gyi mtsho/ /ma dros gru bzhi zab dang ngos de'i tshad/ /dpag tshad lnga bcu re re de yi chu/ /gtsang dang 'jam dang snyog ma med mngar dang / dri zhim mgrin pa lto la mi gnod pa/ /yan lag brgyad dang ldan pa'i chu yin no/ /de la chu bo bzhi 'bab si ta dang / /ganggA sindhu pakShu zhes pa'o/ /ma dros rtsa ba'i brag gi bya skyibs na/ /'dzam bu tri sha'i dpag bsam sdong bu las/ /'bras bu cher smin mtsho nang lhung ba'i sgra/ /'dzam bu zhes bya'i mtshon pas 'dzam gling grags/ /shar gyi lus 'phags gling ni zla gam la/ /ri rab ngos bstan spyad kha dpag tshad ni/ /sum brgya lnga bcu grangs gzhan gsum drug re/ /byang na lus dang lho na lus 'phags yod/ /de gsum gling gzhan rnams las rta la bdun/ /gyen du 'phags dang mi rnams gzugs bzang bas/ /lus 'phags po zhes grags pa de nas yin/ /byang na sgra mi snyan ni gru bzhi la/ /ngos rer dpag tshad nyis stong nub phyogs na/ /sgra mi snyan dang shar na de'i zla ba/ /shing dang sha za'i skad kyis zhag bdun nas/ /'chi 'pho sgra 'byung de phyir sgra mi snyan/ /nub kyi ba glang spyod ni