[A:285]zlum po yin/ /mtha' skor dag la dpag tshad bdun stong dang / /lnga brgya yod cing lho na g.yo ldan dang / /byang na lam mchog 'gro yod de yi ming / /phal cher ba glang rin chen longs spyod pas/ /ba glang spyod zhes grags pa de yi phyir/ /ri bdun gling rnams ri bo thams cad kyang / /ri rab dang mtshungs thur du brgyad khri zug /ri rab mtsho steng yan la bang rim bzhi/ /'og ma'i ngos der dpag tshad khri drug stong / /gong ma'i rim bzhin phyed de zhum pa'o/ /steng phyogs dpag tshad bzhi khri me shel la'ang / /nyi ma'i dkyil 'khor thad kar dpag tshad grangs/ /lnga bcu rtsa gcig mtha' skor chig brgya dang / /lnga bcu rtsa gsum dpangs la dpag tshad drug /bco brgyad cha gcig yod pa bar snang gnas/ /mthug rngams de bzhin chu shel las grub pa/ zla ba'i dkyil 'khor thad kar lnga bcu dang / /mtha' skor dpag tshad phyed dang nyis brgya'o/ /skar ma rin chen sna tshogs las grub mang / /zlum po chung tshad rgyang grags gcig dang ni/ /'bring gsum che ba la drug mtha' skor la/ /rang rang thad ka'i gsum 'gyur dag tu 'dod/ /'di nas dpag tshad lnga yan ri rab kyi/ /rtse man gnas shing grangs ka dung phyur gnyis/ /bye ba phrag brgyad sa ya lnga ru bzhed/ /bcud kyi sems can smin tshul stong gsum 'di/ /bskal ba mes bshig rjes la 'od gsal gyi/ /lha nas rim gyis tshe 'phos tshangs ris slebs/ /'jig rten spyi las tshangs pa bya ba byung / /de ni lha nas rim rgyud sgra mi snyan/ /ba glang spyod dang lus 'phags 'dzam gling skyes/ /dud 'gro yi dwags dmyal ba mthar thug te/ /dmyal ba zhes bya 'jam gling 'di'i 'og tu/ /dpag tshad stong phrag nyi shu gru bzhir gnas/ /yi dwags gnas