[A:28]slebs par dgongs nas/ sprul pas gsungs pa ni/ 'khor los sgyur rgyal du sprul nas/ dur khrod bsil ba tshal du bya ba'i rgyud gsungs/ gzhan 'phrul dbang byed du spyod pa'i rgyud gsungs/ 'og min du rnal 'byor gyi rgyud gsungs/rgya gar lho phyogs shri dharma pha la chos kyi 'byung gnas su byon/ rdo gru gsum snol ba'i steng du/ rnal 'byor bla na med pa'i rgyud rnams ni/ dpa' bo mkha' 'gro dang / mi ma yin rnams la gsungs pa'o/ /de rnams chos kyi 'khor lo bskor ba'i mdzad pa ste dgu pa'o/ /bcu pa ni/ de dag gi skabs su ston pa la tho mtshams zhing bar du gcod pa brtsam par 'dod pa'i bdud dang mu stegs rnams pham par mdzad pa ni/ 'khor mo 'jigs pa'i yul du bdud btul ba'i dus na/ gzhan 'phrul dbang byed nas bdud rje dga' rab dbang phyug kho yang / lha'i bu'i bdud dgu khris bskor nas byung te/ go'u ta ma khyod kyi bskal ba grangs med gsum du tshogs bsags zer ba'i rdzun gtong bar 'dug pa/ de'i dpang por su yod zer ba la/ ston pas/ sa 'di 'gro ba kun gyi rten yin te/ /rgyu dang mi rgyu mnyam shing nye ring med/ /de ring khyod kyi gzu dang dpang mdzod shig /gsungs pa dang / sa'i lha mo bstan ma byung nas lus phyed tsam pa steng du bton/ thal mo sbyar nas/ de nges par bden no zer bas/ bdud rje skyengs te dpa' bkong zhing / bdud kyi sde rnams pham par gyur to/ /der rting gnyan yod du mu stegs kyi ston pa chen po rdzogs byed dang / gnag lhas kyi bu ka ti dang / rnam par smra ba'i bu kun tu rgyal ba dang / mi pham skra'i lwa ba can dang / ka ta'i bu nog can dang / gcer bu