[A:27]rten rnam snang gangs can mtsho'i sku dpag tshad bcu gnyis yod pa gcig bzhengs/ de phyis rgya mtsho na bzhugs te/ klu dang gza' rnams kyi mchod pa'i rten byed do/ /brgya byin gyi lha mi'i rin po che sna tshogs dang / 'ching bu lnga bcu rtsa gcig la sprul sku'i rten/ sangs rgyas dgung lo brgyad pa dang / bcu gnyis pa dang / nyi shu rtsa lnga'i sku tshad gsum bzhengs nas/ che ba de brgya byin rang gi yid dam mdzad/ chung ba gnyis rgya gar du rgyal po gsal rgyal gyi yi dam mdzad/ bar skabs nas rgya nag dang bal yul du phebs/ mthar bod du 'gro don la phebs par lung bstan pa bzhin da lta lha sa 'phrul snang dang / ra mo che na bzhugs pa'i jo bo mched gnyis yin no/ sku tshab rnams kyi rab gnas sangs rgyas nyid rang gis mdzad cing / lha bzo ba bi shwa karma dang / sku gnyer byams pa/ bka' srung phyag rdor dang dpal mgon bdun cu rtsa lngas byas shing byed par dam bcas so/ /yang ston pa lha yul du bzhugs ring la rgyal po u tra ya na/ sems shin du skyo nas/ mo'u 'gal gyi bu la bskul nas/ tsan dan ga shirSha la ston pa'i sku tshab lha yul du bzhengs rab gnas zhus te/ mi yul du spyan drangs/ phyis rgya nag tu phebs nas/ tsan dan jo bor grags pa yod/ paN chen shAkya shri ltar na/ tha skar gyi zla ba'i tshes bco lnga la lha las babs pa'i dus chen yod par bzhed/ smin drug zla ba'i ches bzhi la/ sum cu rtsa gsum nas mi yul du phebs pa ni/ dpal lha las babs pa'i dus mchod zhes bya'o/ /de ltar theg pa chung ngu'i chos rnams ni/ gang la gang 'tsham par bstan zin gyis/ theg chen bla med kyi chos rnams/ 'dzam bu gling gi mi rnams la gsal bar ston pa'i dus skabs la ma