[A:30]shar lho'i phyogs mtshams su/ /mi lha skal ldan grags ma byed/ /rgyal po dza zhes bya ba la/ /sngon du ltas rnams snang gyur te/ /drag shul can zhes bya ba'i rtse/ /grogs kyi sems la dag pa'i lus/ /lang ka'i bdag po la sogs la/ /phyag na rdo rjes ston par 'gyur/ /zhes lung bstan to/ /der 'khor thams cad mya ngan dang smre sngags 'don pa la/ 'di skad ces bka' bstsal to/ /nga ni nges par mya ngan las 'da' bas/ lus gser mdog 'di la yang yang ltos/ phyis mya ngan ma byed cig 'dus byas thams cad 'di dang 'dra'o gsungs shing / sangs rgyas mya ngan mi 'da' zhing / /chos kyang nub par mi 'gyur te/ /sems can rnams ni 'dul ba'i phyir/ /mya ngan 'da' ba'i tshul bstan tsam/ /gsungs pa la/ de ltar na cis kyang bzhugs par gsol ba btabs pas/ sa steng 'jig rten gang na yang / /skyes nas 'chi bar ma gyur tam/ /gang zhig khyod kyi ma mthong ngam/ /'on te mthong na'ang the tshom za/ /nga yi mya ngan khyod byed na/ khyod kyi mya ngan sus byed pa/ de la 'bras bu gang yang med/ /gsungs pa de ni chos kyi phyi ma'o/ /der dbu nub tu bstan/ zhal lhor gzigs/ zhabs shar la brkyang / phyag g.yas 'og tu bcug phyag g.yon brla'i steng du bskyal nas/ dgung la brgyad cu tham pa bzhes pa'i sa ga'i zla ba'i tshes brgyad
jo bo rje lugs
kyi nam gung / zla ba ri mgo'i rtser nub pa'i dus su/ gyad kyi yul grong khyer rtsa mchog der chos kyi dbyings su mya ngan 'das pa'i tshul bstan pa'i mdzad pa ste bcu gcig pa'o/ /bcu gnyis pa ni/ der sa g.yo ba dang / sgra 'byin pa sogs ngo mtshar ba'i ltas du ma dang bcas te/ lha rnams kyi bsus nas 'og min stug po bkod pa'i