[A:31]zhing du gshegs so/ /sku gdung ni bka' bzhin dri bzang pos byugs ras yug stong dang / 'bru mar gyi dril nas/ zhag bdun nas zhugs la 'bul snyam par/ /ston pa nyid rang gi thugs dpal be'u nas me rang 'bar du ston nas bzhu'o/ gdung rus dang ring bsrel la mangga dha'i bre bcu gnyis byung tshems mche ba g.yas pa| brgya byin gyi gdan drangs/ gzhan rnams cha brgyad bgos ste khyer nas/ mchod rten kyang brgyad bzhengs so/ /
bram ze legs mdzes spun gyi gdung thal la mchod rten bzhengs so
/ /ston pas byin gyis brlabs pas bi shwa karmas bzo bslabs ma dgos par shes te/ sku tshab bzhengs pa'i thugs kar/ sangs rgyas rang gi thugs dpal be'u dang / sku gdung ring bsrel gyi snying pos byur bur bskangs te/ byang chub gyi snying po mangga dha rdo rje gdan na bzhugs so/ /phyi rabs spro ba bskyed pa'i phyir/ sku gdung ring bsrel rnams byin rlabs kyi rten du bzhag pa'i mdzad pa ste bcu gnyis pa'o/ // /