[A:32]ston pa'i sku tshab bzhengs tshul/ yang sangs rgyas mya ngan las 'das pa'i phyi lo'i dbyar de 'phags pa drug sdes/ 'dod khams kyi lha'i gnang ba dang bstun nas/ sangs rgyas kyi sku tshab khru bcu drug pa mya ngan 'das chung bya ba dang / gzugs khams pa'i gnang ba dang bstun nas/ sku tshab khru sum cu rtsa gnyis pa mya ngan 'das chen bya ba bzhengs so/ /de nas shrI seng has rten de gnyis la byang chub kyi shing gi ra bas bskor nas mchod pa chen po byas so/ /de nas lo nyi shu tsam nas/ bram ze ma hA pas la bya bas khyim bdag chen po gcig gi bu che ba ma hA sam be ri bo gangs can gyi rgyud yul wa ra Na sir/ drang srong lhung ba ri dwags kyi nags bden bzhi'i chos 'khor skor sar/ rdo rin po che la rgyu byas nas sangs rgyas kyi sku tshab gcig bzhengs pa'i mtshan ni/ dharma tsakra zer ro/ bu 'bring po tsakra sam bhe/ rgyal po'i khab 'od ma'i tshal/ bya ka lan dha ka skad 'don pa mtshan nyid med pa'i chos 'khor bskor sar/ gnas chen brgyad kyi byang chub snying po'i shing gi lo ma la rgyu byas nas sku tshab gcig bzhengs pa'i mtshan/ bhe mu wan zhes grags so/ /bu chung ba ma la sam bhes/ ma'i ngag bzhin dbus 'gyur rdo rje gdan gyi steng/ byang chub kyi shing gi shar/ ston pa'i sku rgyab bstan nas/ sangs rgyas sa der/ nang lha khang dang / phyi mchod rten du yod pa'i ghanno la'i dkyil du/ sangs rgyas dgung lo