[A:35]brtan pa'i gtad rabs/ bcom ldan 'das kyi lung rim par bstan te/ bstan pa gtad pa ni/ ston pas 'od srung chen po la gtad/ de nas rim bzhin du/ kun dga' bo dang / shA na'i gos can/ nyer sbas/ dhi dhi ka btsun pa buddha nanti la/ buddha mi tra la/ des slob ma dge slong rtsib la/ des su na sha ta la/ des rta skad la/ des ma shi ba la/ des klu sgrub la/ sangs rgyas 'das nas lo bzhi brgya'i dus su/ bstan pa gtad cing / khong gi lta ba gtan la 'bebs pa ni/ shing rta chen po'i srol lam dang po gtod de/ de nas yang rim pa bzhin arya de ba/ ra hu la/ saddha nanti la/ dge slong dgra bcom la/ gha la sha la/ ku mA ra dza la/ sha ya ta la/ ba su bandhu la/ ma no ta la/ ha ga ni ka ya na sha la/ des dge slong seng ge la bstan pa gtad cing / 'di yan la thub pa chen pos rgyal tshab dang bcas pa/ bstan pa'i bdag po nyi shu rtsa lnga/ de rting sangs rgyas 'das nas lo stong la nye ba na 'phags pa thogs med byon te/ shing rta'i srol lam gnyis pa gtod cing / de nas phyogs kyi glang pos shing rta'i srol lam gsum pa gtod pa lags/ de nas rgyan drug mchog gnyis/ grub chen brgyad cu/ ku su lu rnam gnyis/ mkhas grub rim par byon pa rnams kyis sangs rgyas kyi bstan pa rin po che dar zhing rgyas par mdzad pa lags so/ /sangs rgyas shAkya thub pas 'gro ba'i don mdzad pa'i zhing khams kyi