[A:36]ming / stong gsum mi mjed 'jig rten zer la/ stong gsur gyi dbye ba ni/ ri rab gling bzhi/ gling phran nyi zla/ lcags ri khor yug tshang ba gcig nas bgrang ba'i cha stong la stong chung yang zer la/ stong spyi phud gcig go / de stong la stong gnyis pa bar ma'o/ /de stong la stong gsum gyi stong chen po'i 'jig rten gyi khams zer ro/ /de rnams re re bgrangs na/ ri rab ling bzhi'i tshangs ris man chad bye ba phrag brgya ste/ dung phyur gcig go /mi mjed ces bya ba ni/ bzod pa'i ming ste/ pad dkar las nyon mongs pa dug gsum gyi mi phrogs shing bzod la/
snying rje pad dkar las/ ci phyir 'jig rten gyi khams de ni mi mjed ces bya zhe na/ sems can de dag 'dod chags la mi mjed pa dang / zhe sdang la mi mjed pa dang / gti mug la mi mjed pa dang / nyon mongs pa'i 'ching ba rnams la mi mjed pas de'i phyir 'jig rten gyi khams der mi mjed ces bya'o/ /
de la sems bsran thub pas na/ mi mjed sangs rgyas kyi zhing khams zhes bya'o/ /stong gsum mi mjed kyi zhing 'di ni/ mnyam du chags par byed do/ /lar thub pa gangs can mtsho'i phyag mnyam bzhag tu mdzad pa'i steng/ lhung zad gyi nang na stong gsum gyi stong chen po'i 'jig rten gyi khams cha nyi shu rtsa lnga brtsegs mar yod pas/ bar pa bcu gsum pa de mi mjed 'jig rten gyi khams 'di yin par 'dod cing / yang lugs gcig la/ stong gsum gyi 'jig rten gyi khams cha lnga lnga dbus dang phyogs rigs bsgrigs pa/ lnga brtsegs su yod pa'i dkyil ma de thub pa'i zhing mi mjed 'jig rten gyi khams 'di yin par 'dod pa yang yod do/ / / /