[A:39]bcug tshogs nas phud pa dgra bcom pa spong byed kyi bskul nas bsam gtan bsgoms pas zhag bdun nas dgra bcom pa'i 'bras bu thob nas/ rgyal po'i khab tu byon nas/ snam sbyar lnga brgya'i khri thog tu bzhugs nas bka' bsnga mdzad pa'o/ / bka' dang po don rnam pa bdun gyi sgo nas bsdus ste/ dus ni sangs rgyas mya ngan 'das pa'i phyi lo'i dbyar ro/ /gnas ni rgyal po'i khab/ a su gsang ba'i brag khung ngam/ rdo bcag pa'i phug go /sbyin bdag ni rgyal po ma skyes dgra'o/ /tshogs pa ni dgra bcom lnga brgya'o/ /gang zag sus thugs rgyud la bsdus pa ni/ 'phags pa 'od srung gis bskul nas/ kun dga' bos mdo sde/ nye bar 'khor gyi 'dul ba/ 'od srung gi mngon pa'i sde snod rnams/ dbyar zla 'bring po'i tshes bcu drug nas brtsams te bsdus pa'o/ /bsdu ba'i dngos gzhi ni sangs rgyas kyi bka' sde snod gsum mo/ /dgos byed sangs rgyas kyi bstan pa rin po che dar zhing rgyas par bya ba dang / lha rnams kyi 'phya ba bsal bar bya ba'i phyir bsdus pa dang bdun no/ /bka' bsdu bar pa la don bdun te/ dus ni sangs rgyas mya ngan las 'das nas lo brgya dang bcu nas so/ /gnas yangs pa can gyi gtsug lag khang du'o/ /sbyin bdag rgyal po dharma a sho ka'o/ /tshogs pa dgra bcom bdun brgya'o/ /gang zag dgra bcom pa grags pas gsol ba btab nas gnas brtan thams cad 'don gyi thugs rgyud las so/ /bsdu bya sde snod gsum mo/ /dgos pa bstan pa dar zhing rgyas pa dang / rgyal po nyi ma bcu pa'i mchod gnas