[A:40]dge slong lha chen pos chos log brtsams pa 'gog pa'i phyir du brtsams pa dang bdun no/ /de ltar bka' bsdu gnyis po'i dus su/ ston pas gsung tshad kyi sde snod rnams mi brjed pa'i gzungs thob cing / mngon par shes pa dang ldan pa'i dgra bcom pa rnams tshogs nas dran bsdur zhu dag ma nor bar byas pa yin gyis/ po ti glegs bam dang yi ger bkod pa ni tshig 'bru gcig kyang med par bzhed do/ /bka' bsdu gsum pa'i don bdun ni/ dus ni sangs rgyas mya ngan las 'das nas lo gsum brgya lon nas/ gnas shrI dza lan dha ra'i gtsug lag khang /sbyin bdag rgyal po ki na la/ tshogs pa dgra bcom pa lnga brgya/ byang chub sems dpa' lnga brgya/ so so skye bo'i paNDi ta khri drug stong rnams so/ /gang zag dgra bcom pa pur ni kas gsol ba btab nas/ skye ba tha ma'i byang chub sems dpa' su mu tri ta'i thugs rgyud las so/ /dngos po ni sde snod gsum mo/ /dgos pa ni sangs rgyas kyi bstan pa rin po che dar zhing rgyas la yun ring du gnas par bya ba'i phyir dang / rgyal ba'i bka' la phyi rabs kyi gang zag rnams kyis lhag chad nor 'khrul du 'don pa dang / sgo skur spangs pa'i phyir dag par bsdus pa dang bdun no/ /bka' bsdu gsum pa de'i dus su/ sde snod gsum la gtogs tshad thams cad gzhung du bkod cing / bka' shog tu btab nas bam po dang / le'u rnams grangs gsal bar byas pa'o/ /bka' bsdu rim pa gsum po 'di ni theg pa chung ngu'i bsdu'o/ /