[A:46]bstan bcos yin no/ /ston pa rang gi dngos su gsungs pa dang 'jam dpal mtshan brjod la sogs pa rnams ni/ zhal nas gsung pa'i bka'o/ /gang zag gzhan bskul nas gsungs pa rnams ni byin gyis brlabs pa'i bka'o/ /mdo'i gleng gzhi dang / chos kyi sdom dang / bka' bsdu gyis shig gsungs pa rnams/ rjes su gnang ba'i bka'o/ /sher snying la bka' gsum ga tshang bar byed pa ni/ zab pa'i phyir ro/ /de ltar na/ bka' gsum po 'chad par 'dod na/ ston pa dang 'khor dang / gnas dang chos dang / dus dang / phun sum tshogs pa lnga'i sgo nas 'chad pa yin na no/ /bka' phal che ba'i zhu ba po brgyad ni/ sha ri'i bu/ rab 'byor/ kau shi ka ste brgya byin/ byams pa/ 'od srung / gang po/ gang gA'i lha mo/ kun dga' bo rnams so/ /bstan bcos rtsom pa snga ba la rgya gar du/ bka' bsdu gsum pa'i dus su tshogs pa rnams zhal mthun par bye brag bshad mdzod chen mo bya ba rtsom pa/ phal che ba bod du ma 'gyur bar byed do/ /bstan bcos 'chad par 'dod na/ don rnam pa gnyis te/ lo rgyus kyi don dang / dngos gzhi'i don no/ /dang po la bka' dang bstan bcos gang la bshad nyan byed kyang / bar chad gnyis spong rgyu ni/ lung dang mngon par rtogs pa'i bar chad do/ /'du shes bzhi sgom pa ni/ 'phel bar byed pa longs spyod kyi 'du shes sgom pa dang / nyon mongs pa'i nad zhi bar byed pa sman pa'i 'du shes dang / dgos 'dod 'byung ba yid bzhin gyi nor bu'i 'du shes dang / mi zad pa'i don 'byung bas na/ mya ngan las 'das pa'i 'du shes bsgoms pa'i ngang nas/ 'chad pa dang nyan par bya'o/ /dman