[A:45]sbyar 'dra/ rtags dung ngo / /gnas brtan pa'i sde pa las gyes pa gsum ni/ gtsug lag khang chen po'i sde pa/ rgyal byed tshal na gnas pa'i sde pa/ 'jig med ri la gnas pa'i sde pa rnams so/ /de nyid las/ rgyal byed tshal gnas 'jig med gnas/ /gtsug lag khang chen gnas brtan pa/ /zhes gsungs so/ /skad a ba bhraM sha tas ston no sha za'i skad/ rigs brag gor sde'i gdol ba/ ka tyA ya na'i slob rgyud/ mtha' 'khob 'dul ba'i mchog snam sbyar 'dra/ rtags bum pa'o/ /de rnams kyi log rtog dgag cing / gcig gis gcig la chos ma yin zer ba bsal ba'i phyir du/ bsdu ba gsum pa mdzad pa yin te/ thub pa'i bstan pa la sde pa bco brgyad du gyes pa yong ba'i snga ltas/ sngon rgyal po kri kri'i rmi lam du byung ba/ sangs rgyas 'od srung la zhus pas ma 'ongs pa na/ 'di ltar 'byung ngo zhes lung bstan pa yod do/ /
rmi ltas bcu ni glang gnyis/ sprel gnyis/ khron/ chu che/ ldum ra/ tsan dan/ 'thab ras/ kri kri'i rmi lam bcu yin/
spyir chos thams cad bsdu na/ bka' bstan bcos gnyis su 'dus te/ dbyig gnyen gyis rnam bshad rig pa las/ chos rnams thams cad mdor bsdus na
bka' dang bstan bcos gnyis su 'dus
te/ /legs par gsungs dang de yi dgongs 'grel dang / /de yi dbang gis shAkya'i bstan pa 'di/ /'jig rten khams 'dir yun ring gnas par 'gyur/ /zhes gsungs la/ bka' dang bstan bcos kyi khyad par ni/ ston pa bzhugs pa'i zhal nas gsungs pa dang / cho 'phrul gyi chos kyi sgra bsgrags pa thams cad ston pa'i bka' yin no/ /ston pa gshegs nas da lta'i bar la mdzad pa thams cad