[A:48]las byung ba'i bsod nams bya ba'i dngos po dang gsum mo/ /sangs rgyas mya ngan las 'das nas lo brgya dang bcu skor na/ chos rgyal mya ngan med ces bya bas/ 'dzam bu gling mtha' dag gi rgyal po byas so/ /de nas rim gyis rgyal sar/ tsandra bdun byung ba ni/ ha ri tsandra/ shrI tsandra/ a khe tsandra/ dharma tsandra/ karma tsandra/ bi kra ma tsandra/ ga mi tsandra rnams so/ /go mi ni dza lan dha ra'i slob ma yin cing / de'i phyag rgya mo klu mo gcig gi nub re la rgyal bu re zos pas/ klu ma de rgyal po go mi las btul lo/ /de nas rgyal sar pA la bdun byung ste/ go pA la/ dharma pA la/ bi kh'a pA la/ ra ma pA la/ hi ma pA la/ mo pA la/ ne pA la rnams so/ /ne pA la'i dus su blon pos ngo log byas nas/ pA la'i bang so nub bo/ /de nas se na bzhi byung ste/ ba na se na/ ke pa se na/ ma ni tra se na/ ma hwan se na'o/ /tsandra bdun dang / pA la bdun/ lha mo tsuddhas byin pa'i dngos grub yin no/ /pA la na bdun po'i ring la/ mkhas grub thams cad byon no/ /dharma pA la rgya gar na bzhugs dus/ bod na rgyal po sad na legs mjing yon yod par/ yar klungs bang so'i rdo ring la yi ge yod ces grub thob u rgyan pas bris 'dug go/ mi mjed 'jig rten gyi khams 'dir/ sangs rgyas shAkya thub pa'i bstan pa/ lo lnga stong lnga brgya gnas rgyu dang / sku tshes dgung lo brgya thub rgyu/ skye dgu'i bdag mo sogs bud med rab tu byung ba'i skyon gyis/ bstan pa lo lnga brgya dang / sku tshe lo nyi shu bri bas ston pa dgung lo brgyad cu la gshegs shing / bstan pa lo lnga stong du nub par bshad la/ lnga stong gi steng nas sngar lo du 'das/ da lo grangs ji tsam yod brtsi ba ni/ chos rje sa skya pas bzhed pa ltar/ thub pa sa pho 'brug lo