[A:49]bar byas pa'i lugs kyi/ de nas chu pho khyi lo la ti shri kun blo ba/ bod du bsnyen par rdzogs par byon pa'i lo yan la/ lo sum stong bzhi brgya lnga bcu rtsa lnga 'das/ rtsa drug pa'i steng na yod cing / da lo stong dang lnga brgya bzhi bcu zhe lnga lhag mar yod ces gsung 'dug pa/ lhag ma de'i steng nas yang / da lan shing pho stag lo/ srog rme rgya gar dbus na yod pa 'di yan la lo brgya dang nyi shu rtsa dgu song 'dug pa/ yar rgyab pas sngar 'das kun dril/ lo sum stong lnga brgya brgyad cu gya lnga song / gya lnga ba'i steng na yod cing 'bras bu dang / sgrub pa dang /lung gi dus dang / mngon pa'i dus rnams/ mdo sde'i steng nas kyang lo brgyad cu gya bzhi tsam song bas na/ da bstan pa dngos la/ mdo sde'i lo bzhi brgya bcu drug dang / 'dul ba'i lo lnga brgya yod cing / der steng rtags tsam 'dzin pa lnga brgya rnams dril bas/ lo stong dang bzhi brgya bcu drug yod par/ mkhas pa rnams bzhed do/ /byams mgon gyi sprul pa dang / bstan pa dngos ji tsam la 'byon ni/ yong su grags par/ tshe lo bcu pa'i las kyi 'bras bu yongs su rdzogs pa'i skabs su/ mi gzhan las lus gzugs dang gzi brjid che ba yod pas/ de byams pa'i sprul par byon pa byed cing / de nas tshe lo yar 'phel ste/ brgyad khri'i bar du'o/ /zhes bshad cing / byams pa mgon po'i bstan pa dngos ni/ 'dul ba tsandra gar bha dang / 'dul ba dar ma bya bar sangs rgyas kyi lung bstan yod pa/ tsandra gar bha'i nang na/ sangs rgyas shAkya thub pa mya ngan las 'das nas lo bye ba phrag lnga bcu rtsa bdun song ba dang / rgyal ba byams pa mgon po 'jig