[A:51]'phags yul bal po'i rgyal rabs bzhugs/ na mo arya mai tri ye/ byams dang thugs rjes srid gsum 'gro ba yi/ /mgon gyur sa bcu'i dbang phyug rab btud nas/ /de yi sprul pa bstan pa rgyas mdzad cing / /li yul chags 'jig khrims gnyis gnas tshul bshad/ /li yul bal por grags pa 'dis/ sangs rgyas kyis bstan pa dang / bstan 'dzin gyi gang zag rgyal blon ji ltar byon na/ ston pa shAkya thub pa 'gro ba'i don la sangs rgyas nas/ bzhugs pa'i pho grangs nyi shu rtsa gcig yod pa'i/ rting ma de li yul 'di yin pas/ gzhan las kyang yon tan lhag par che/ sngon sangs rgyas 'od srung 'jig rten du byon dus/ li yul 'di la tsan dan gyi yul zer dam chos shin du dar ro/ /'od srung mya ngan las 'das nas/ de'i sku gdung bzhugs pa'i mchod rten go ma sa la ghan dha phyi bstan du bzhengs shing / de'i nang na 'od srung gi sku gdungs yang ril po gcig tu bzhugs par byed la/ da lta ni 'phags pa shing kun
gyi mchod rten
zhes grags par byed do/ /drang srong rnams nam mkha' la 'phags nas yul gzhan du 'byon/ de rting bstan pa nub pas li yul mtshor gyur to/ /de nas yun ring po zhig nas sangs rgyas shAkya thub pa rgya gar du byon/ 'gro don mdzad nas mya ngan las 'da' bar nye ba na/ yul khams so so srung ma so so la gtad pa'i tshe/ li yul yang / rnam sras dang / yang dag gshed la