[A:52]sogs pa la gtad nas ston pa nyid rang yang / 'khor mang po dang bcas nas nam mkha' la lding nas li yul mtshor gyur pa der byon/ da lta yang chu bo shel chab gong ma'i 'gram/ ghung tir gyi mchod rten gyi thad/ steng gi nam mkha' la padma'i gdan la bzhugs nas/ byin gyis brlabs 'od zer bskyed nas phyogs bcu'i sangs rgyas byang sems rnams kyi 'od zer ston pa'i dbu la thims/ dge'o zhes pa'i sgra byung ngo / /de nas phyir bstan pa 'byung ba'i rnam 'phrul dang lung bstan mang du mdzad cing / sha ri'i bu'i gseg shang gi rtsa ba dang / rnam thos kyi bu'i mdung thung gis mang pa ba ra na/ pa ra ba ta zhes pas/ ri rnag gi kha dog 'dra bar/ mtsho 'di dbrol la gying sham gtsang po la pho zhig zhes bka' bstsal pa bzhin byas pas/ ston pa nyid kyang glang mgo ri'i steng/ sku gzugs chen po bzhugs pa'i g.yon logs kyi lha khang na/ da ltar mchod rten chung ngu gcig yod par dgung zhag bdun bar la bzhugs/ kun dga' bos sngar gyi rgyu rkyen de rnams ci lags zhus pas/ mtsho dbral ba las chu skam nas nga mya ngan las 'das pa'i 'og tu 'dir li yul bya ba 'byung ste/ 'u than gyi mkhar grong lnga ldan zhes pa'i chen po gcig dang / de srung ba'i rA dza gra ma'i dus sangs rgyas kyi sku gzugs tsan dan gyi nang du/ sku'i grib ma rang la nub pa zhig rgya gar nas byon/theg pa chen po la spyod pa'i dge slong pho mo gnas pa'i gtsug lag khang sum brgya drug cu rtsa gsum rgyal blon dad pa can gyi bzhengs pa nas/ sku gdung la mchod pa'i byang sems dge slong pho mo dang / khyim pa skye bo'i tshul du gnas pa phyed ma'i lnga brgya rtag tu gnas so/ /gzhan yang phyir mi ldog pa'i byang sems/ theg pa