[A:53]chen po la spyod pa phal cher gnas ste/ 'di ni dus gsum gyi sangs rgyas kyi zhing khud pa yin no gsungs/ srung ma rnams la bka' bgos te gtad do/ /der mtsho pho ba dang / 'od srung kyi mchod rten phyi rten chen mo dang / ri glang ru mkhar dge ba'i shul rnams mngon par gyur to/ /de nas/ sangs rgyas mya ngan las 'das nas lo nyis brgya lnga bcu rtsa bzhi lon pa'i dus su/ rgya gar gyi rgyal po
chos rgyal mya ngan med yin
dharma a sho kas/ sdig chen chos byed pa slar bshags sngom byas/ 'dzam bu'i gling du gtsug lag khang dang / mchod rten brgyad khri bzhi stong bzhengs par dam bcas pa'i tshe/ mtsho bskams li yul stong par 'dug pas/ der 'ongs da lta 'u than gyi sku mkhar yod sar nub gcig bzhugs pas/ rgyal po'i btsun mo dam pa la btsun mo de skyed mos tshal du khrus phyed dus/ rnam sras nam mkha' la gshegs pa yar mar gnyis kas gzigs/ sems chags pa las byung ba'i ba'i bur byed do
khye'u gcig btsas pas/ mtshan mkhan na re/ 'di ni mtshan bzang dbang thang che bas yab sku ma 'phos pa la rgyal srid byed par mchis so zer bas/ rgyal po khros nas bu 'di ni nga la mi dgos kyi bor gcig zer ba ltar bor bas/ bu chung rang gi bsod nams las/ sa las nu ma gcig byung ba nus pas gsos skyed che bar byung ngo / /de'i skabs su rgya nag gi rgyal po/ ce'u wang zhes pa'i byang sems kyis sprul pa/ bu stong la dbang sgyur/ dgu brgya dgu bcu rtsa dgu yod pa cig byung ba/ de'i bsam pa la/ nga la bu gcig byung na sangs rgyas kyi zhabs kyi bcags pa'i li yul zhes bya ba bzang po gcig yod 'dug pa de 'dzin du 'jug snyam nas/ rnam sras la gsol ba btabs pas/ sa la nu blangs nas 'di ni nga'i bu yin