[A:1]mchod brjod dang rtsom pa dam bca' ba/
/ bla ma dang mgon po 'jam pa'i dbyangs la gus pas phyag 'tshal lo/ /chos kyi rgyal po skyabs gsum 'dus pa'i sku/ /chos kyi dbang phyug khams gsum 'dren pa'i mchog /chos kyi 'byor pas stong gsum dbul ba sel/ /chos rje bla ma dus gsum mkhyen la 'dud/ /bskal bzang 'di la srid pa gsum gyi mgon/ /mtshan bzang dpe byad brgyad cu'i gzi 'od 'bar/ /rigs bzang zas gtsang sras po lha'i lha/ /blo bzang kun mkhyen rgyal po'i zhabs la 'dud/ /byams pa'i thugs kyis log pa'i lta ba 'joms/ /snyan dbyangs gsung gi 'gro la chos char 'bebs/ /smra ba'i phyogs la mi 'jigs seng ge yi/ /spobs pa mchog stsol rgyal sras sku la 'dud/ /bstan pa yun ring gnas phyir ston pa yis/ /bstan 'dzin skyes bu'i mthun rkyen sgrub pa dang / /bstan la gnod byed dgra bgegs tshar gcod pa'i/ /bstan srung lha chen dpal 'bar rgyal gyur cig/de ltar mchod par brjod nas/ dam pa rnams dgyes pa'i 'bel gtam mkhas rmongs dbye ba'i gzhi/ /rgya gar rgya nag ge sar stag gzig dang / /bal po hor sog mi nyag rgyal rabs dang / khyad par bod yul gangs can khrod 'di ru/ bstan pa'i gsal byed lo paN khu dbon sogs/ /mkhas grub du mas dka' ba brgya phrag gis/ /dge 'dun sde btsugs bshad sgrub bskyangs tshul dang / /de'i