[A:2]sbyin bdag sde dpon byams ldan rnams/ /rim par byon nas bstan pa'i bya ba dang / /rang gzhan phan bde'i dpal la bkod tshul gyi/ /yig tshang ngo mtshar 'phreng ba mtha' yas rnams/ /bdag rmongs blo yis srad bur brgyus la nus/ /'on kyang bstan la gus zhing mkhas pa yi/ /phyag srol mthong la blo mos che ba dang / /gong ma'i rnam thar dam pa'i gleng 'os rnams/ /brjed du phangs nas sangs rgyas 'jig rten 'dir/ /byon pa'i tshul dang bka' chems bka' khol dang / /rgyal rabs rkyang khugs blon po'i zhal gdams dang / /sba bzhed yar lung jo bo tshal pa dang / /bu ston gyis mdzad chos 'byung chen mo sogs/ /yig tshang sna tshogs legs bsdus brjed byang dang / /blo gsal mdzes pa'i rgyan la phan phyir du/ /mdor bsdus don gsal 'di nyid bdag gis bris/ /mkhas pa'i tshogs kyis bzod pa mdzad par rigs/ /rgya bod kyi yig tshang mkhas pa dga' bar byed pa'i mchod brjod dang gleng gzhi bstan pa phyogs dus thams cad du dge legs 'phel bar gyur cig/ //