[A:56]bu zla 'od du gyur tshe bram ze la dbu byin pa'i sa dang / sangs rgyas kyi zhabs kyi bcags pa'i ghe'u to shan dang / bhod bha long kyi tshal du gtsug lag khang dang mchod rten chen po re bzhengs so/ /gcen che ba 'don 'gros rgya gar nas phebs/ sku mched mjal bar/ 'ja' mo ka ko rong nga'i lha khang bzhengs shing / nor gtsang mas sang tir gyi gtsug lag khang bzhengs so/ /de nas bi dza ya dar ma'i bu/ rgyal po bi dza ya seng has som nya'i gtsug lag khang dang / mchod rten bzhengs/ de'i 'og tu rgyal po bi dza ya kirtis pun nyo'i gtsug lag khang bzhengs nas/ ding sang bar du chu'i 'jigs pa klus bsrungs pa yod do/ /de'i bu ji dza ya sam tra las/ dgra bcom pa dznyA na yakSha'i bka' bzhin du/ dar ma tir gyis gtsug lag khang dang / ghung shan gyi gtsug lag khang bzhengs so/ /de'i bu bi dza ya seng has/ byams pa'i zhal mthong / gzha' gser ma'i gtsug lag khang bzhengs so/ /de'i bu/ rgyal po ji dza ya pha la 'chang rgyal po rabs drug gi bar la/ gtsug lag khang gzhan ma brtsigs so/ /de nas rgyal po bi dza ya sa tra las/ sangs rgyas kyi sku gzugs bcu dgu khyer nas li yul du nam mkha' la byon byung ba bzhugs pa'i gtsang khang dang / bkra shis bsil ba'i tshal du mchod rten dang / dgra bcom pa mu gu sdes/ a pa ya dhengs kyi bka' bzhin du/ gzha' sam ma'i gtsug lag khang bzhengs so/ /de'i bu rgyal po ji dza ya sha ta man chad/ rgyal rabs bzhi'i bar la gtsug lag khang gsar pa ma brtsigs so/ /de nas rgyal po bi dza ya karti la/ klu'i rgyal pos bskul nas/ la bha ya nya'i gtsug lag khang bzhengs pa 'di ni bod rgyal pos li yul la mnga' mdzad/ de'i blon pos