[A:59]zhig gis/ 'dul ba tsandra gar bha dang / 'dul ba dar ma sangs rgyas kyi lung bstan pa mthong nas/ dgra bcom pa la zhus pas/ thub pa mya ngan las 'das nas/ lo nyis stong gi bar la/ li yul 'dir chos kyi gzugs brnyan dang / ring bsrel gnas par 'gyur te/ de nas nub par 'gyur zhing / li yul dang / shu lig a san gsum ga rgya dang / gdong dmar/ po byi/ gru gu/ hor la sogs pas 'joms par byed do/ /de'i rjes la byang chub sems dpa' gcig gdong dmar gyi rgyal por skye ba blangs nas/ bod khams su dam chos 'byung zhing / gtsug lag khang dang / mchod rten brtsigs/ dge 'dun gyi sde 'dzugs/ rgyal blon rim gyi chos la sbyor/ yul khams gzhan gyi mkhan po dang / gsung rab mang po gdan 'dren/ li yul 'di'ang bod kyi rgyal po de'i mnga' ris su dbang byed pa 'gyur ro/ /de nas gdong dmar du rgyal rabs bdun gyi bar la/ dam pa'i chos la spyod par 'gyur/ de'i tshe li yul 'dir chos nub pa la nye ba'i tshe skabs su/ de'i rgyal po gzhon pa gcig chos la gnag pas/ li yul gyi dge 'dun bskrad pas tsar ma dang / 'bong dang / me skar/ ko nya'i gtsug lag khang rnams su rim bzhin du bud nas/ gdong dmar gyi yul la kha bltas/ g.yag sgal can gyi lam sna byas pa ltar phyin/ bod yul mtshal gyi bya bar slebs/ de'i rgan pas gdong dmar rgyal po la bsnyad pa dang / btsun mo byang sems sprul pa/ rgya'i kong jo zhig yod pa des/ li'i dge 'dun rnams gdan drangs/ sbyin bdag byas/ da dge 'dun e yod byas pas/ de'i mkhan po na re/ an be dang / shu lig kha che rnams na mang po yod zer ba ltar/ de rnams kyang gdan drangs/ gtsug lag khang du bzhugs su bcug lo gsum bzhir zhabs tog legs par