[A:60]bsgrubs/ de dus kong jo la 'brum nad byung nas 'das/ gzhan yang mi mang rab shi bod blon rnams gros 'chams par/ lho bal gyi dge 'dun mkhan po rnams bos pas lan zer/ de rnams kyi ban de bos pa rnams thams cad nub phyogs su bskrad/ de rnams ghan dha ra chen por chas nas 'gro ba la/ lam du klu'i rgyal po e la pa tras sbrul du sprul nas/ mtsho la zam pa byas te bsgral bas sbrul shi dga' ldan du skyes mtsho yang bskams so/ /de'i dus bod yul na/ dge 'dun dang ring bsrel/ gsung rab/ mchod pa'i yo byad gcig kyang ma lus pa bkal song ngo / /der 'dzam bu gling gi dge 'dun thams cad/ ghan dha ra chen por slebs/ de'i rgyal pos lo gnyis kyis bar la 'tsho ba sbyangs/ ci bde la so sor bzhag go/ de'i mtshams su rgyal po de 'das/ de la bu gnyis yod pa'i chos la dad pa de/ ban des bskul nas ban des rgyal po byas pa/ blon 'bangs byin pos ban de'i rgyal po bsad/ dge 'dun byin po 'khyam du bcug pa / ke'u shA gyi'i rgyal pos spyan drangs te/ yul der 'dzam bu gling gi dge 'dun ril 'dus par gyur to/ /zhes gsungs so/ /sangs rgyas zhabs bcags yul mchog lung bstan nas/ rgyal po sa nu blon po yakSha gnyis/ /las kyi bdas nas yul khams gsar du bzung / /sa nu tsha bo bi dza saM bha bas/ /byon ring byams dang 'jam dbyangs sprul pa yis/ /li yul dam chos dar ba'i dbu brnyes nas/ /chos rgyal mang pos mchod rten gtsug lag khang / /brgya stong dpag med bzhengs pas bstan pa dar/ /dgra bcom pho mo lo paN mang du byon/ /sangs rgyas gshegs nas nyis brgya lnga bcu'i skor/ /chos byung the ba'i nyis stong lo yi bar/ /yul der thub bstan dri med byung bar bshad/ /de nas da lta yan chod lta spyod