[A:71]bskos/ rgyal po lo gcig byas/ bzhi cu rtsa drug pa me pho khyi la 'das/ de'i bu che ba hun dzung / lo de la rgyal sar bskos/ byi ba lo la 'das/ de'i bu mu dzung glang lo la bskos de shed du/ lha sa'i thang du bod kyi blon po tshogs/ ban chen pos mna' tshig bton/ bden pa bdar/ thams cad gtsigs dang mna' chad byas so/ /mung dzung me pho rta la blon pos bkrongs/ de'i bu gnyis pa bu dzung me mo lug la bskos/ sa mo lug yan chod la lo nyis brgya dang brgyad song / bu dzung gi lo bcu gnyis srid bzung / sum cu pa shing pho 'brug la 'das/ lo de la bu dzung gi bu lnga pa wu dzung bskos/ lo drug srid bskyangs/ sum cu so bzhi shing mo glang la 'das/ me pho stag la bu dzung gi bu bcu gsum pa/ zon dzung bskos/ de nas bod kyi sa cha phal che ba rgyas blangs/ dang po thang gi rgyal khams kiM jang hu nas bod kyi bar la sa le bar stong tsho dgu dang / dgu brgya yod/ phyis zon dzung nas bzung ste/ bod la mkhar mig gsum brgya shor/ yang thang gi thams cad thob/ zon dzung gi lo bcu bzhi srid bzung lnga bcu pa me mo yos la 'das/ sa pho 'brug la de'i bu che ba ghing dzung bskos/ de yan chad bod dang 'brel che'o/ /de ltar thang gis rgyal po ka'u dzung nas/ 'di yan chad la lo nyis brgya dang sum cu so dgu song / ghing dzung ga rgyal srid lo bcu bzhi byas/ chu pho 'brug la 'das/ shing pho rta la de'i bu lnga pa/ hying dzung bskos/ lo bco lnga srid bzung / sa pho spre'u la 'das/ lo de la de'i bu bdun pa je'u dzung bskos/ lo bcu bzhi srid bzung / chu mo phag la 'das/ shing pho byi ba la de'i bu dgu pa nga'i ding bskos/ lo bzhi srid bzung / me yos la 'das/ de nas thang gi rgyal rabs chad/ de yan la rgyal po nyi shu byung ngo / /rgyal khams gyi bdag po lo brgya dang / brgyad cu rtsa