[A:72]brgyad byas/ des rjes su myang zhes pa la rgyal sa 'phos pa yin no/ /rgya bod kyi lo rgyus 'di/ tha'i dzung gi dus kyi yig tshang pa 'ba' su khyi bya bas brtsams/ phyis na han se'u tshas btus te bsdebs/ rgya'i lo tsA ba ha gyang jus/ shing mo bya la/ shing kun du bsgyur/ bla ma rin chen grags gu shrIs/ shing mo glang la bod yig gis par du btab/ 'di la lo'i dbang thang nor pa 'ga' re snang ngo / /thu yus hun/ hor ser yin/ wu then/ o thon yin/ zhib par rgya'i yig tshang thang shu thu hphan/ mtshan nyid la sogs par blta'o/ /de yang thang gi rgyal po'i dus su/ hang ma'i zer ba/ se'u tshe gcig gi ngo log nas/ rgyal po byas/ ju wun zer bas/ blon po byas/ rting la dzu wun gyis/ thang la ngo ltas nas/ chu mi dbyen gyi dmag dpon byas/ de'i rting sor ngo log nas/ rgyal sa phrogs pas/ myang rgyal po zhes bya ba'i rgyud byung / de la sogs pa rus mi gcig pa'i mi rabs tshan pa lnga la/ rgyal po bco lnga byung / lo lnga bcu thams pa rgyal sa bzung / de'i rjes la ce'u tha'i dzung zhes pa'i rgyal po la/ spen lang gi sa char rgyal po brgyad byung / brgyad pa/ shwang hang pha'u gnyis kyi lag nas/ chi twa tA'i gle'u zhes pa'i spen lang sogs rgyal khams kyi phyed phrogs/ rgyal khams de la tA'i gle'u zer/ shwang hang gi bu khang dbang zhes pa/ sman tsha'i yul du song nas/ khri'i yul gyi rgyal khams phyed po bzung nas/ hor gyi/ nam tha'i zer/ rkyen khang hang je'ur gtad/ rgyal khams de la srungs zer/ de nas sman rtser lha btsun yan la rgyal rabs brgyad byung / chi twan ta'i gle'u rgyal po brgyad kyi rjes su blon po che ba ne'u rje zhes pa las rgyal sa blangs/ de la bu a'e tan khan zer ba brgyud pa dgu byung / rgyal khams la ta'i gam zer/ de'i rgyal po dgu pa la/ hung dbang zhes