[A:80]byung ngo / /rigs rgyud de rnams 'phel ba'i ched du/ 'phags pas 'bras bu sna lnga dang / gser la sogs pa rin po che sna tshogs kha ba can gyi phyogs la gtor/ byin gyis brlabs/ de la longs spyad pas/ sprel phrug mir gyur pa de rnams je mang la song bas/ 'bru la mi 'cham par/ tsho bzhir bgos pas/ se dang dmu ldong dang / stong dang / bzhi la mi'u rus bzhi zer/ la lar dbra/ 'bru/ zhang zhung / stong sum pa/ ldong mi nyag rnams bgrang pa na/ mi rje lhas mdzad pa ni gong bzhin/ rgya gar du rgyal po skyabs seng gi bu lnga'i bar pa/ mig bya ltar mas nas 'geb pa/ g.yu'i smin ma yod pa/ sor mo dra bas 'brel ba/ dung so 'khor ma yod pa zhig skyes pas rgyal po na re/ ltas ngan du 'dug pas sod cig gsung pa la/ blon po rnams kyi mtshon gyi gsod ma nus par/ zangs gyi ga'u kha sbyor du bcug gzer gyi bsdams nas/ chu bo gang gA la skur ro/ /de grong khyer yangs pa can gyi zhing pa rgan rgon gyi rnyed nas/ nags gseb tu gsos pas/ bya dang ri dwags gcan gzan rnams kyi yang zas skom bskyal/ rtse grogs byas/ ljon shing dang me tog kyang de la 'dud par byed da do/ /der rgyal bu na re/ nga la 'khor ngan pa 'di lta bu gang yin/ nga'i pha ma su yin zer ba la/ sngar gyi rgyu mtshan bsnyad nas/ khyod phas ltas ngan du byas nas chur bor ba/ nged kyi rnyed pa sogs kyi gtam bsnyad pas/ yid skyo nas gangs gseb bros pas/ lha ri gyang mtho'i mkhar du byung / de nas rim gyi 'phyugs nas/ /kha ba can gyi rgyal khams gyi dbus/ yul yar mo sna bzhi dang / lha yar la sham po mthong nas/ der byon/ lha ri gong po ri rtser phebs/ dmu'i skas la babs te/ btsan thang sgo bzhir byon