[A:79]chos kyi snod du ma gyur pa/ de rnams 'dul ba la/ thog mar mi ru bsgyur ba'i/ sprul pa btang dgos pa 'dug snyam nas dgongs pa na/ spre'u yi gyad ha nu mantha zhes pa de 'phags pa'i sku drung na byung ba la/ khyod kyis kha ba can du sgom nus sam gsungs pas/ nus zer ba la/ dge bsnyen gyi sdom khrims lnga phog mi sdug pa sgom pa'i chos bslab nas btang bas/ spre'u des kha ba can gyi yul gyis dbus/ brag chen gyi rtse la sgom pa'i drung du/ brag srin mo gcig nyin re bzhin byung nas/ mi tshangs par spyod par 'dod pa'i rnam 'gyur sna tshogs dang / de'i phyir du srog 'dor ba'i rnam 'gyur gyis tshul ston gyin 'dug pas/ spre'u snying rjes ma bzod de/ 'phags pa'i drung du phyin nas/ rgyu mtshan zhus pas/ 'phags pa dang sgrol mas gnang ba byin te/ spre'u dang brag srin mos 'dod pa spyad pa las/ zla ba dgu ngo bcu nas pa ma mi 'dra ba spu dang mjug ma med pa gcig skyes pa de ni/ sha dmar po dang / khrag dron mo la rab tu dga' ba zhig go/ de nags tshogs can du spre'u'i khyur bskyal bas/ spre'u mo dang 'grogs nas lo gcig la de 'dra ba'i phrug gu bzhi brgyar 'phel lo/ /de rnams kyang pha rigs shas che ba ni/ dad pa dang shes rab dang / snying rje dang brtson 'grus che ba/ chos dang dge las la mos pa/ blo gros rgya chen po dang ldan pas na/ byang chub sems dpa' blo chen gyi rigs zhes bya'o/ /ma'i rigs shas che ba ni sha khrag la dga' ba| tshong khe sogs sems pa/ bdag 'dzin dang chags pa che ba/ skad che ba/ ngo mi rtag pa/ gzhan gyi skyon 'don pa la dga' ba/ mos gus dang dad pa chung ba/bya byed mang ba/ mig mi la mi chags pa/ gdong dmar sha zan gyi rigs sha stag