[A:85]ste/ rgyal po to re long btsan nas/ bu rgyud rim pa bzhin/ rje khri btsan nam/ blon po snubs gnya' to re gtsugs lo dang / rtabs khri bzung mong kheng gis byas/ rje khri dgra dpung btsan/ blon po mgar khri sgra ji thun dang / thon mi klu dbang bstad pos byas/ rje khri thog rje thog btsan/ blon mgar btsan gnya' ldom bu dang / snubs skyes thog rje lo btsan gyi byas so/ /de yan mi rje lhas mdzad nas gdung rabs nyi shu rtsa bdun gyi bar la/ chab srid/ sgrung dang / ldebs/ bon dang gsum gyi bskyangs zer ro/ khri thog rje thog btsan dang / ru yong bza' stong rgya mtsho'i sras/ lha tho tho re snyan btsan ni/ bod rgyal gnya' khri btsan po byon nas/ lo dgu brgya drug cu rtsa drug song ba'i me mo yos lo la 'khrungs so/ /de rnams la btsan lnga zer ro/ /rje de'i blon po khri thog rje btsan dang / sbrang khri bzung lan pas byas so/ /rgyal po de'i sku ring la rgya gar nas/ paNDi ta mkhan po si li byin byon kyang / bod na yi ge dang lo tsA shes pa gzhan med pas/ rgyal po'i phyag tu mchod pa'i rten la/ rags sku'i rigs lnga cha gcig bzhag nas/ khong rgya nag la byon no/ /der rting rgyal po lo brgyad cu bzhes pa/ sa pho spre'u'i lo la/ pho brang yum bu bla mkhar gyi rtser/ nam mkha' nas zangs kyi ga'u'i nang du/ dpa' skong phyag rgya ba dang / mdo za ma tog bkod pa/ gser gyi mchod rten 'khru gang pa/ tsan dan ma Ni'i gzungs rnams byon te/ da nas gdung rabs lnga nas 'di'i don shes par 'gyur ro/ /zhes sgra grags so/ /de chos yin par ma go na'ang / ngo mtshar can zhig go snyam nas/ pho brang gi rtser bzhugs/gser skyems dang g.yu sngon sogs kyis mchod pas/ rgol po dgung lo brgyad cu