[A:86]pa la se'u skyes/ skra dkar rnams por gyur/ gnyer ma med par gzhon sha chags zhing / lo brgya dang nyi shu thub/ rten de la gnyan po gsang ba zhes par mtshan gsol/ nga'i rgyud 'dzin rnams kyis 'di la mchod pa phul la/ gsol ba thob cig 'dod pa'i don rnams 'byung bar 'gyur ro/ /zhes gsungs so/ /rgyal po nyid 'phags pa kun tu bzang po'i sprul par grags shing 'di'i ring la/ bod du dam pa'i chos kyi dbu brnyes par byed da do/ /btsan lnga po'i bang so yul du btab/ yul gyi ming ni 'phying lung so ra thang / btsan lnga'i chad pa sa phung sbra 'drar yod/ yul med che gru bzhi yi mi shes skad/ rje de'i sras/ khri snyan bzung btsan/ blon po sbas snang gzher zla btsan dang / mgar khri 'bring gis byas/ khri snyan chad pa don mkhar mda' ru brtsigs/ de yang yul med sa phung brdal ba 'dra/ de'i sras 'bro snyan lde ru/ blon po gnyag thang pa yang rje dang / snubs khri dar res thong pos byas/ de'i sras stag ri gnyan gzigs dang / yab sras gnyis la/ bar gyi steng zhes zer/ de'i lo rgyus/ 'bro gnyan lde ru khab tu/ mchims za klu rgyal ngan bu zhes pa'i skyon gyis/ khong rang la klu nad tsi tsi dzA la byung nas/ yab yum gnyis blon po gnyag thang pa yang rje dang gsum ga gson dur la bzhugs dgos byung / sras gcig yod pa dmus long du gyur/ ming dmus long dkon pa bkra zer/ zhal chems la bsam pa bzang po gser dang 'dra ba ste/ /bzang po'i gros ni bdud rtsi yin pas nyon/ /ngan pa rnams ni me dang 'dra bas spongs/ / mi chos rtog pa yin pas rnam rtog skyur/ khyed kyis gnyan po gsang ba mchod/ /'a zha'i sman pa bos la mig phye/ /mig ma byung na/ sum pa'i yul na bon po