[A:4]byin rlabs bum pa glang chen snas bzung nas/ /de yis su la dbang bskur de la bkod/ /rgya nag gtsug lag rgyal por bsko ba ni/ /rgya'i khang pa shin tu mtho ba la| /shel gyi skas btsugs su thar de la bsko/ /ge sar dmag gi rgyal por bsko ba ni/ /dpag chen bzhis mda' bzhi char phyogs bzhir 'phangs/ mda' bzhi dus su zin na de la bsko ba yin/ /stag gzig nor gyi rgyal por bsko ba ni/ /rin chen gling nas nor bu sus lon gyis/ /nor gyi bdag po de la bsko ba yin/ /bskos pa'i rgyal po bzhi'i ston pa ni/ /rgya gar rgyal po sngon sbyangs las 'phro can/ /sangs rgyas chos kyi snod du rung bas na/ /rgyal ba shAkya thub pas ston pa mdzad/ /rgya nag gtsug lag dpyad kyis 'dul gzigs nas/ /mkhyen rab bdag po 'phags pa 'jam dpal gyis/ /gab tse sum brgya drug cu ston par mdzad/ /ge sar dmag gi 'dul bar gzigs nas su/ /lha mo panytsi ka yi bu lnga brgya po/ /de 'dra dmag tu sprul nas ston pa mdzad/ /stag gzig nor gyi 'dul bar gzigs nas su/ /'phags pa nor 'dzin sku sprul ston pa mdzad/ /rgya gar chos rgyal ma rig mun pa sel/ /rgya nag rgyal po legs nyes me long ston/ /ge sar rgyal po dmag gis dgra dpung 'dul/ / stag gzig rgyal pos dbul ba'i sdug bsngal sel/ /zhes bshad pa rnams rgyal rabs spyi yi stong thun zur tsam mo// //