[A:3]'dzam bu gling pa'i rgyal rabs spyi byings kyi stong thun zur tsam bzhugs so/ / oM swa sti/ sngon bsags bsod nams du mas rgyu byas zhing / /rigs rus cho 'brang ldan pas rkyen byas te/ /rgyu rkyen rten 'brel 'dzoms pas gling bzhi la/ /'khor lo'i sgyur rgyal rnams la'ang bstod par bgyi/ /spyi ru lha mi'i rjer gyur rgyal rigs la/ /rgyas par phye na sum brgya drug cu yod/ /de las bsdus na rnam pa gnyis bshad de/ /dag pa sangs rgyas rje dang ma dag sems can rje/ /sangs rgyas rje ni sku gsum 'gro don mdzad/ /sems can rje la rnam pa lngar dbye nas/ /stong gsum dbang byed spyi phud rgyal po dang / /sa 'dzin rgyal po phyogs skyong rgyal po dang / /rigs drug rgyal po 'dzam gling rgyal po dang / /lnga po de yang 'dzam gling sog kha'i rgyal po la/ /bskos dang gdung rgyud glo bur rgyal por bshad/ /rgyal po de gsum 'khor los sgyur rgyal rkyen/ /de la spyi phud rgyal po tshangs pa dang / /sa 'dzin brgya byin phyogs skyong rgyal chen bzhi/ /rigs drug rgyal po gshin rje chos rgyal dang / /'dzam gling gdung rgyud rgyal po mang bkur rgyud/ /'khor lo sgyur rgyal spyi bo skyes la sogs/ /gser dngul zangs lcags dbang sgyur rgyal po yin/ /bod kyi rgyal po glo bur rgyal por grags/ /bskos pa'i rgyal po phyogs bzhi'i rgyal po yin/ /rgya gar chos kyi rgyal por bsko ba ni/ /