[A:114]'jig rten rgya hor/
de'i gcung 'jig rten rgya hor ni sa stag lo sku 'khrungs pa'i tshe rtse gdong gi nags shing rnams la bya rigs mi gcig pa du ma 'dus nas skad snyan par bsgrags/ gzhon nu nas paN chen nam mkha' dpal bzang/ byams pa rab brtan/ chos 'od zer/ gcen sku bgres pa rnams las gsung ngag smin grol/ bde mchog gi dbang/ sa skya bka' 'bum gyi lung sogs chos du ma gsan cing/ bla ma dam pa rnams la sangs rgyas dngos kyi 'du shes mdzad de ci gsung dang len dang/ phyag dang ldang ba chos dgug bsnyen bkur sogs phal pas sgrub par mi nus pa'i zhabs tog mdzad cing/ gzim khang dben par thugs dam kho na la bzhugs pas ting nge 'dzin dang nyams rtogs kyi mthar son/ rig gnas kun la thugs byang chub cing/ byams snying rje byang chub sems kyi thugs rgyud phyug cing zhi dul brtan pa'i yon tan mnga' bas mtshan yang ngag dbang 'jig rten dbang phyug bkra shis grags pa rgyal mtshan dpal bzang po zhes grags shing/ gzhon nu'i dus sku mched gsum gyis paN chen nam mkha' dpal