R245: rje btsun sa skya pa'i gdung rabs rin po che'i rnam par thar pa ngo mtshar rin po che'i bang mdzod dgos 'dod kun 'byung gi kha skong gdung rabs rin chen 'dzad med srid zhi'i dpal 'byor lhun grub/ {bod yig glog rdul dpe cha/}
[A:115]bzang la chos gsan skabs shig dam pa 'dis jo lags ni zla ba gsum rang yin pa gda' lags so/ / gsung ba paN chen dang drung chen bsod shes thugs la bzhag pas zla ba gsum nas sku 'bring sku gshegs pas de mngon shes kyi mkhyen par 'dug gsung/ de ltar dgung lo zhe brgyad kyi bar skyes bu dam pa'i mdzad pa du ma mdzad nas shing glang sa ga'i nyer dgu la gshegs/ sku gdung zhugs la phul bas ring bsrel du ma byon no/ / de rnams kyi spyi don bstan zin pas/ngag dbang bsod nams blo gros/gnyis pa gzhung gi don ni/ 'jig rten dbang phyug gi btsun mor stag lung pa'i sras mo nor 'dzom bu khrid bzhes pa la sras gsum 'khrungs pa'i che ba ni/ ngag dbang bsod nams blo gros bkra shis grags pa rgyal mtshan dpal bzang po sa mo phag gi lo 'khrungs/ dgung lo bco brgyad pa'i dus rdo rje la phyag g.yas kyi rjes 'dam brdzis ltar bzhag pa sogs grub rtags mang po mdzad de gzhon nu la gshegs/byams pa bsod nams lhun grub/gcung byams pa bsod nams lhun grub bkra shis grags pa rgyal mtshan dpal bzang po chu mo glang
shing sbrul zhes pa'ang snang bas dpyad
gi lo sku 'khrungs te/ gsan bsam dang nA lendra'i gdan sa mdzad pa sogs gong 'jam dbyangs bsod nams lhun grub kyi rnam thar dang 'og tu bsod nams bstan 'dzin dbang po'i rnam thar du thor tsam bshad pa ltar mdzad de/ gcung ngag dbang bsod nams lhun grub ni chu mo glang gi lo sku 'khrungs te gcen sku mched dang 'jam mgon a mes zhabs sogs dam pa du ma las gsan pa rgya mtsho'i pha rol tu son te rnam dkar lugs gnyis kyi mdzad pa rgya chen po'i sgo nas spyi sgos bstan 'gro'i don mtha' yas par mdzad de 'og nas 'byung ba ltar mdzad pa mthar phyin to/ /'jam mgon bstan 'dzin dbang po/bdag chen de nyid kyi yul gdong pa'i sras mo nor bu bu