[A:201]rtse gdong du yong ste thugs bsun zhus par dam nyams de dag la dmigs gtor bzlog mdzad pa na de dag gis byang brgyud rgyal por mthu byas so zhes btsun mo chos skyid la zhu log byas pas rgyal po'i drung du bdag chen bsod nams dbang rgyal nyid byon pa sher sbyang gi dag yig rgyal po'i tham ka can mdzad 'dug cing / lo rgyus 'di la mkhas rmongs kun gyis shes par / rtse gdong pa'i gdung brgyud rnams bon dang mu stegs sogs kyi rjes su 'brangs pa'i rgyu 'bras mi shes pa'i nges pa yod na/ rgyal po mkhyen rgya can rnams la'ang tshig zur tsam gyi dgongs par 'char bde min yong ba thugs dag kyang / de 'dra yin min ni bod tsam du ma zad rgya sog kun la rlung ltar grags shing/ ris med bstan 'dzin thams cad kyang 'khon gyi gdung brgyud zhes tshad mar rjes 'dzin mdzad pa thugs rgyus yod bzhin du/ rtse gdong pa'i mi 'khyams gal te rgyal po rang gi'ang zhabs gras su chud nas thugs blos bkal na nam zhig nas phyi nang gi la rgya tshang ma dkrug shing byed pa de dag kha 'chal la rgyal ba'i bka' ltar tshad mar mdzad de de ma thag kun mkhyen rgyal ba'i dbang po yab sras sogs bstan 'dzin dam pa rnams kyi dbu 'phangs dmod pa dang / gong ma bdag po chen po sogs rgyal ba'i bstan pa rin