[A:202]po che gces par skyong ba'i chos kyi rgyal po rnams kyi bka' khrims la rkang 'og gi rdul tsam du'ang mi brtsi bar rtse gdong na sku gsum dang dkon mchog gsum gyi rten ji snyed bzhugs pa rnams dang / srog chags nyes med dge ba'i ngang tshul can rnams skad cig nyid la thal ba'i rdul du rlog pa la ches shin tu dpa' ba'i dpung 'jug mdzad tshul 'og nas 'byung ba 'di rnams la dpags na/ rgyas sras bstan 'dzin dbang rgyal btsun mo chos skyid bcas sku gegs chen pos bcings pa'am/ yang na zhing bcu tshang ba'i bstan pa'i dgra bo de bdag cag kho na'o zhes zhal gyi bzhes par nges te/ rgyud sde rin po che rnams nas gsungs pa'i las sbyor de bzhin zhing bcu tshang ba'i skye bo rnams thar pa'i lam du 'god pa'i ched du gsung gi de las gzhan du na byed pa po rang gi srog gi gshed mar 'gyur ba'i phyir gnas skabs 'dir ni rtse gdong tsam du'ang ma zad gzhan gyi gtor ma 'phangs pa'am/ sbyin sreg dang mnan pa sogs bstan 'gror gnod pa'i dgra bgegs gdug pa can rnams 'dul thabs byas de yang rgyal sras bstan 'dzin dbang rgyal dang btsun mo chos skyid la byas so zhes mkhar ba dang slong phor 'dzin pa'i skye bo rku rgyag don gnyer rnams kyis zhus na/ de la'ang dpung 'jug mdzad pa the tshom med pa ni