[A:221]par byon zhing 'byon par 'gyur ba'i tshul gsung ba la/ mdor bstan rgyas bshad mdzad pa der/ sngags 'chang kun dga' rin chen kyi btsun mo gdong dga' ma sku mched la 'jam dbyangs sku mched 'khrungs pa nas bzung / 'jam mgon a mes zhabs nyid kyi bar gsung rtsom mdzad grub pa las/ 'jam dbyangs sku mched la rnam thar bsdus pa las ma gsungs pas/ des na 'dir sgar chen rin po che nas bzung kho bo cag rigs kyi myu gu'i bar du 'phel ba'i rnam thar dang lo rgyus rnams kha skong du bris te/ slar yang srid pa ji sriid bar rje btsun sa skya pa'i gdung rabs rin po che 'byon par 'gyur ba'i rten 'brel du ma 'ongs pa'i kha skong rnams kyang de dang de dus su so so'i gsung rtsom gnang bde bar 'dri ba la/ tshigs bcad kyi sgo nas mdor bstan pa dang / de'i don rgyas par bshad pa gnyis las/
dang po ni/ nged rang gis brtsams pa'i sa skya skor dpon par nye bar mkho ba'i yi ge 'gro don bzang po las/ sngags 'chang kun dga' rin chen gyis btsun mo bzhes tshul gyi mur/ btsun mo gnyis pa slar yang gdong dga' ma/ /bkra shis dpal gyi bu khrid zhes bya'i sras/ /'dzam gling rgyan mchog grags pa'i