[A:222]mtshan can 'khrungs/ /gang de'i btsun mo byang phyogs rgyal po'i lcam/ /lha sras bsod nams rgyal mo zhes bya'i sras/ /'jam dbyangs sprul pa mthu stobs dbang phyug dang/ /rgyal sras ngag dbang kun dga' dbang rgyal mtshan/ /thams cad mkhyen pa 'jam mgon a mes zhabs/ /mkhyen yang kun dga'i mtshan can bstan 'groo'i dpal/ /dpa' ldan de yi btsun mo 'gro mgon ma/ /o rgyan skyabs la bsod nams dbang phyug bltams/ /gang de'i btsun mo ma gcig zhed chos ma/ /pad dkar bu khrid sras ni mangga'i mtshan/ /de yi btsun mo sngon ma gnas gdong mar/ /gdung brgyud ma byon phyi ma bco brgyad pa'i/ /ma gcig bstan 'dzin bsod nams bzang mo la/ /kho bo'i skyabs gcig khyab bdag 'khor lo'i mgon/ /ngag dbang kun dga' bsod nams rin chen zhes/ /snyigs dus mgon de skye ba'i cho 'phrul bstan/ /mgon de'i btsun mo snga ma zhed chos pa'i/ /lha mdzes bu khrid sras gnyis chung ngur gshegs/ /phyi ma sku drin can gyi 'gro mgon ma/ /ma gcig bsod nams dpal gyi dbang mo la/ /yon tan kun bral kun dga' blo gros dang/ /nu bo mched bcas byung ba'i mched gnyis gshegs/ /kho bos bstan 'gro spyi dang khyad par du/ /sa skya'i rje btsun