[A:226]ring ba tsam gyi mthun snang byung bas/ nyi ma bzung bar grags pa dang / phyogs kun tu 'ja' tshon 'khrigs shing / nyi zla skar gsum lhan 'dzom mthong ba sogs lha mi'i yid 'phrog pa'i dpal du gyur pas snyan grags 'gro don phyogs mthar rgyas pa'i mgo 'di nas tshugs/
dgung lo bcu bzhi pa lcags glang lor bde mchog pho brang du phur pa'i bsnyen pa tshad smin gnang skabs gcung 'jam mgon sku mched la rtseg ge'i bsnyung gzhi byung ba rje 'di nyid kyis gsan na bar chad byung dogs gsang rgya byas skabs/ gtso gtor dang dkar mo nyi zla'i mar rgyan nyi zla gnyis phyed gas pa byung tshe zhal ngo rnams la bsnyun gzhi 'dra med dam zhes yang yang gsungs kyang 'phros 'bul mkhan ma byung tshe/ tho rengs zhig gi mnal lam du mtsho dkar dngas zhig gi nang nas lha mo dkar mo dar dkar gyi 'jol ber dang nyi zla'i rgyan byas pa zhig thon nas dngos grub gling du bskang gso brgya rtsa thong zhes lung bstan nas yal song bar yum chen mdun du de bzhin bka' tho stsal bas gcung gnyis kyi bsnyun gzhi yang 'phral dngas byung / mar rgyan yang rim gyis sos pa kun gyis gsal/ gzhan yang skabs der sngon sngags 'chang chen po'i sku dus spa gro stag tshang du bla ma dang yi dam