[A:225]'khrungs pa ni 'phags yul grub dbang rnams kyis brtul zhugs spyod pa'i ya gyal du gyur pa'i grub pa'i khyu mchog rje btsun mthu stobs dbang phyug grags pa rgyal mtshan dpal bzang po 'di nyid yin par yang yang zhal gyis bzhes pa'o/ /
gnyis pa sku tshe 'di nyid kyi rnam thar mdor bsdus te bstan pa ni/ yab rje dgung lo nyer drug tu son pa sa pho byi ba'i lo rgyal yum lha sras bsod nams rgyal mo la zag med kyi bde ba rgyas shing nyams snang spro bzhin pa'i ngang nas ngo mtshar ba'i ltas dang bcas 'khrungs shing / sku'i gegs sel dang 'khrungs ston gyi tshul du 'dus sde rnams su mang skol sogs legs par bsgrubs/ /dgung lo lnga par yig klog bslab tshulazhus par tshags med dang / sgrol ma'i mtshan brgya ma bslab par zhal 'don gnang / dgung lo brgyad par yab chos phur pa'i 'cham rol phyag len sogs phul bas bde blag tu mkhyen/ dgung lo bcu gsum pa la 'jam mgon rim byon gyi chos khri skye dgu'i 'dud gnas chen por mnga' gsol/ phyogs kyi mkhas btsun che gnyen dam pa phal bcas nas khri ston mnga' dbul thog theg chen lam gyi gzhung shing thub pa'i dgongs pa gsal bar byed pa'i tshogs chos nyin gsum gnang / mgo zla nyi ma thung tshad yin kyang / kun la dbyar nyi