[A:228]tshad min gnang zin pa dang / rgyas sde la phebasate mus chen sangs rgyas rgyal mtshan gyi drung du rab tu byung / yab rje'i sku zhang gdong dga' sde pas gdan drangs te mgon po drug cu pa'i gtor rdzongs shig gnang ba'i pu tra'i bskul chen tshugs nas phyogs kyi mjal mi dang dad 'dus kyi khrom tshogs che ba kun gyi mthong snang la nam mkha' nas gtso chen rgyu ba sogs drag sbyor gyis rtags mtshan mthun grub tu byung / spyi sger la tshe dbang sogs 'dod chos 'ga' zhig gnang tshe 'ja' gur dang me tog gi char lta bas chog me shes pa byung /
de nas dgung lo nyer gsum pa la sa dkar dang / 'dam thog dgon mchod gzhis logs sa skya'i chos srid rin po che'i rgyun la dgongs te mdo khams su 'byon bzhed la/ 'jam dbyangs gzi 'od 'bar bas mtshon pa'i lha dang srung ma'i rten mchog rnams nas kyang de ltar legs pa'i brda' rtags rten 'brel phun sum tshogs pa thob par brten nas gdan sa nas chibs bsgyur gnang nyin 'ja' 'od 'khrigs pa sogs srung mas skyel ba'i rnam pa dang bcas phebs te bsam 'grub rtse'i pho brang du 'jam dbyangs bsod nams dbang po dang mjal te snga sor rang lugs kyi yi dam rnams la bsnyen sgrub tshad du bskyal bas las tshogs zhi