[A:229]drag gang mdzad kyang bar gcod med pa'i khag theg sogs 'byung 'gyur lung bstan shin tu mang po stsal zhing thugs 'phreng ba ltar mdzad/ rim gyis dbus gtsang gi lam bar bla dpon dgon sde mtha' dag la rang skal bzhin gyi chos sbyin stsal ba dang bsnyen bkur 'bul ba bsam gyis mi khyab pas mdun bsu bzhin par khra 'brug lha khang mjal du byon skabs tshangs pa lha'i thor tshugs dngos su phebs nas byang phyogs sogs kyi lung bstan rgya chen dang mjal dar bcas gus pas btud/ bsam yas su phebs skabs sprul pa'i chos skyong chen pos brgyud pa 'od zer can du mtshan gsol ba sogs gus 'dud lhur blangs/ de nas rim par brgyud de lam bar hor gyi sde nang nas rta drel la rkun po byung bar/ chos srung la rbad bskul gnang bas pu tra lcam sring gi gras sring mo dngos su byon te bstan dgra de'i rgyu ma khyer nas phul ba dang / spu dogs gzhung grang ngar che tshad la dgun sgang der yar mar ltang 'ju ba'i drod byung ba sogs ya mtshan du ma da bcas 'dam thog tu chag phebs/ der yang ljags bsnyen kha gsos bcas chos srung gi dus gtor mdzad pas dge ltas phun sum tshogs pa byung / de nas byang phyogs gser kha na sa paN gyi lung bstan pa'i bskal bzang dgon du phebs skabs/ rga a gnyan